Misrda sayyoh ayol akula o‘ljasiga aylandi

Qizil dengizda suzib yurgan sayyoh ayol akula hujumiga uchradi. Akula hujumi Saxl-Xashish kurorti yaqinida yuz bergan.

Oqibatda ayol qo‘li va oyog‘idan ayrilgan. U kasalxonada yordam ko‘rsatilishiga qaramay vafot etgan.

Qayd etilishicha, marhuma 68 yoshli Avstriya fuqarosi bo‘lgan. U so‘nggi vaqtlarda Misrda doimiy yashab kelgan.

Akula hujumidan keyin Saxl-Xashish yaqinidan Makadi-Bey ko‘rfazigacha bo‘lgan hududda cho‘milish, baliq ovlash va boshqa suv sporti turlari uch kunga taqiqlangan.