Gruziyada turistlar uchun sun’iy orol va yarimorollar qurilishi boshlandi

^{Foto: gov.ge}
Gruziyaning Batumi shahrida Qora dengiz sohilida ikkita sun’iy yarimorol va bir oroldan iborat arxipelag qurilishi boshlandi.

«Bugun o‘ziga xos zamonaviy loyihani boshlaymiz. Bu loyiha - ikkita sun’iy yarimorol va orol qurilishi», — dedi Gruziya bosh vaziri Irakliy Garibashvili.

^{Foto: gov.ge}
Uning so‘zlariga ko‘ra, bu hududlarda ko‘ngilochar, sog‘lomlashtirish, sport, ta’lim, tijorat maskanlari quriladi, turistik yo‘nalishlar tashkil etiladi.

Yarimorollar va orolda 500 nomerdan iborat mehmonxonalar, savdo va ko‘ngilochar markazlar joylashadi.

^{Foto: gov.ge}
Loyihaga yo‘naltiriladigan investitsiya miqdori 100 mln dollarni tashkil etadi.