Zelenskiy nega oʻz jonini xavfga qoʻyib Xersonga kelganini aytdi (foto)

Ukraina prezidenti Vladimir Zelenskiy yaqinda ozod etilgan Xerson shahriga bordi. U shahar hammon oʻqqa tutilayotgani va xavf mavjud boʻlishiga qaramay, Xersonga nima uchun borganini izohladi.

«Hozir hamma xavf ostida: harbiylar, jurnalistlar... Biz bu erda boʻlishimiz, Xerson aholisini, odamlarni qoʻllab-quvvatlashimiz muhim. Ular biz nafaqat bu haqda gapirayotganimizni, balki bayrogʻimizni koʻtarib, qaytib kelayotganimizni his qilishlari lozim. Inson sifatida men xersmonliklarning his-tuygʻularidan energiya olishni xohlayman. Bu ham ragʻbatlantiradi», deb tushuntirdi prezident.

Ukraina etakchisi Xersonda harbiylarni mukofotladi. Hududda Ukraina davlati bayrogʻi koʻtarildi.


Eslatib oʻtamiz, avvalroq Rossiya mudofaa vaziri Sergey Shoygu Xersondan rus qoʻshinlarini olib chiqishni boshlash haqida buyruq bergan edi.


9 noyabr kuni Ukraina prezidenti Vladimir Zelenskiy Xerson viloyatida toʻrtta harbiy ma'muriyat tashkil etish toʻgʻrisidagi farmonni imzoladi.