Bishkek yaqinida choyxonalarga sotish uchun mo‘ljallangan eshak go‘shtlari topildi

Bishkek yaqinida poytaxtdagi qahvaxonalarga sotish uchun mo‘ljallangan eshak go‘shti aniqlandi, deya xabar bermoqda «24.kg».

Ma’lum bo‘lishicha, Chuy viloyati So‘quluq tumanidagi Manas qishlog‘ida eshak go‘shtini bo‘laklash bo‘yicha butun bir sex topilgan. Tezkor ma’lumotlarga ko‘ra, nimtalangan eshak go‘shtlari Bishkekdagi taniqli choyxonalarga kelib tushgan.

Chuy viloyati IIBB xabariga ko‘ra, avvalroq ushbu fakt bo‘yicha jinoiy ish qo‘zg‘atilgan. Tergov ishi Iqtisodiy jinoyatlarga qarshi kurash bo‘yicha davlat xizmatiga topshirilgan.

Manba: daryo.uz