Ronaldu Figu va Ronaldoni mehmon qildi

“Real” va “Barselona”da o‘ynagan jahon futboli yulduzlari – portugaliyalik Luish Figu va braziliyalik Ronaldo Saudiya Arabistonida mehmon bo‘ldi.

Ularni ushbu mamlakat futboli shahzodasiga aylanib qolgan Krishtianu Ronaldu kutib oldi va mezbonlik qildi.

Ma’lumotlarga qaraganda, Krishtianu Ronaldu sobiq futbolchilarni qimmatbaho sovg‘alar, xususan, ularning raqami va nomi tushurilgan “An-Nasr”ning futbolkalari bilan siylagan.

Figu va Ronaldo Saudiya Arabistoni chempionati doirasidagi “An-Nasr” va “Al-Feyxa” jamoalari o‘rtasidagi uchrashuvni ham tomosha qildi.