Suv osti kemasidan «dahshatli yuk» topildi

Meksika qirg‘oqlari yaqinida «narkotik suv osti kemasi» va boshqa kemalardan rekord darajadagi — 8,3 tonna narkotik moddalar musodara qilindi.

Meksika harbiy-dengiz kuchlari Tinch okeanida 8,3 tonnadan ortiq giyohvand moddalarni musodara qildi, bu bir dengiz operatsiyasi uchun rekorddir, deb xabar berdi CBS News.

Zahri qotil olti kemadan, jumladan, taxminan 2177 kg giyohvand modda suv osti kemasidan topilgan.

Giyohvand moddalarning taxminiy qiymati 2,099 milliard peso (105 million dollar) ekani xabar qilingan.