Germaniya o‘z fuqarolarini Eronni tark etishga chaqirdi

Germaniya hukumati o‘z aholisini Eronga sayohat qilmaslikka chaqirdi hamda hozirda mamlakatda bo‘lib turgan nemislarga yurtni tark etish haqida ogohlantirish yo‘lladi.

Bu haqda “Ozod Eron” portali ma’lumot tarqatdi.

Rasmiy Berlinning bunday chaqiriq bilan chiqishi Eronga qarshi sanksiyalarni yangilash jarayoni boshlangani va shu munosabat bilan Tehron tomonidan ehtimoliy javob choralari ko‘rilishi xavfi bilan izohlanmoqda.