Rossiyada energetik ichimliklar reklamasiga yangi talab qo‘yildi

Rossiya Davlat Dumasi qabul qilgan yangi qonunga ko‘ra, 2026 yil mart oyidan boshlab energetik ichimliklar reklamalarida sog‘liqqa zararliligi haqida ogohlantiruv joylashtirish majburiy bo‘ladi.

Qonun talabiga binoan, televideniyeda namoyish etiladigan reklama roliklarida bu ogohlantiruv kamida 5 soniya davom etishi shart.

Ta’kidlanishicha, ushbu chora aholini, ayniqsa yoshlar orasida, energetik ichimliklarni haddan tashqari iste’mol qilish oqibatlaridan xabardor qilish va sog‘lom turmush tarzini targ‘ib etishga qaratilgan.