Tramp demokratlarni kiberxavfsizlik borasida ehtiyotsizlikda aybladi

AQShning saylangan prezidenti Donald Tramp AQSh Demokratik partiyasi Milliy qo‘mitasi serverlariga hujum uyushtirilishiga ehtiyotsizlik sabab bo‘lganini yana bir marta ta’kidladi, deb yozadi «Daryo» nashri.

«Julian Assanj Podesta (Hillari Klinton saylov shtabi boshlig‘i)ning elektron pochtasini 14 yoshli o‘spirin ham buzib kira olishini aytdi. Nima uchun DNC’da bunchalik ehtiyotsiz bo‘lishdi?» — deb yozdi u o‘z Twitter’iga.

Saylangan prezident, shuningdek, WikiLeaks asoschisi Assanj ma’lumotlarni go‘yoki Rossiyadan olganligi to‘g‘risidagi axborotni rad etganligiga e’tibor qaratdi.