Rotterdamda talaba o‘qituvchini, qo‘shnisi va uning qizini otib o‘ldirdi

Niderlandiyaning Rotterdam shahrida sodir bo‘lgan qo‘rqinchli hodisa jamoatchilikni hayajonga soldi. Algemeen Dagblad nashrining yozishicha, 32 yoshli Fuad L. ismli shaxs avval qo‘shnisining uyiga o‘t ochib, 39 yoshli ayol va uning qizini o‘ldirgan.

Shundan so‘ng u Erasmus MC tibbiyot markaziga borib, 43 yoshli o‘qituvchini otib o‘ldirgan va binoga o‘t qo‘ygan.

Politsiya ma’lumotiga ko‘ra, hodisani faqatgina u o‘zi amalga oshirgan. Tergov natijalariga ko‘ra, Fuad L. tibbiyot universiteti talabasi bo‘lgan va ilgari hayvonlarga nisbatan shafqatsizlik qilgani uchun sud javobgarligiga tortilgan.