Putin yangi yil oldi 3 nafar bolaning orzusini amalga oshirishga va’da berdi

Rossiya prezidenti Vladimir Putin yangi yil oldidan o‘tkaziladigan an’anaviy “Orzular archasi” xayriya tadbirida qatnashib, bir necha bolaning tilaklarini bajarishini ma’lum qildi.

Tadbir davomida u uchta otkritkada yozilgan orzularni ko‘rib chiqdi. Ulardan biri — 5 yoshli Timurning YPX inspektori sifatida o‘zini sinab ko‘rish istagi. 9 yoshli Varvara esa Roskosmosdagilardan bir kosmonavt bilan yuzma-yuz uchrashishni orzu qilgan. Yana bir bola — 5 yoshli Igor — Kaliningrad shahrida joylashgan “Jahon okeani” muzeyiga borishni xohlagani bilan o‘rtoqlashgan.

Prezident ushbu orzularni ro‘yobga chiqarish uchun albatta amaliy qadamlar qo‘yilishini ta’kidladi.