Yaman janubida ro‘y bergan portlash oqibatida 8 kishi halok bo‘ldi

Yaman janubidagi Zinjibar shahrida ro‘y bergan portlash oqibatida kamida 8 kishi halok bo‘ldi. Bu haqda «TASS»ga tayanib «Daryo» xabar bermoqda.

Minalashtirilgan avtomobil 24 fevral, juma kuni ertalab Nayda harbiy lageriga kirishdagi nazorat-o‘tkazish punkti yaqinida portladi.

Shundan so‘ng xavfsizlik kuchlari xodimlari va lager hududiga o‘tishga harakat qilgan jangarilar o‘rtasida to‘qnashuvlar boshlandi.

Mazkur hodisa uchun javobgarlikni hozircha hech bir terrorchi guruh zimmasiga olmadi.