Dubaydagi hashamatli “Burj Al Arab” mehmonxonasi 18 oyga yopiladi

Dubayning dunyoga mashhur “Burj Al Arab” mehmonxonasi keng ko‘lamli rekonstruksiya ishlari sababli 18 oyga, ya’ni 1,5 yil muddatga yopilishi ma’lum qilindi. Bu haqda Reuters agentligi xabar berdi.

Mehmonxona vakillarining ma’lumotiga ko‘ra, hashamatli maskan 1999 yilda foydalanishga topshirilgan bo‘lib, o‘z tarixida ilk bor bunday yirik ta’mirlash jarayoniga kirishmoqda.

Qayd etilishicha, ushbu qaror mintaqada AQSH, Isroil va Eron o‘rtasidagi keskinliklar ortidan yuzaga kelgan turizm sohasidagi murakkab vaziyat fonida qabul qilingan.