Sooronbay Jeenbekovning inauguratsiyasiga xorijiy davlat rahbarlari taklif etilmaydi

Qirg‘izistonning saylangan prezidenti Sooronbay Jeenbekovning inauguratsiya marosimiga xorijiy davlat rahbarlari taklif etilmaydi. Bu haqda «K-News»ga tayanib «Kun.uz» xabar berdi.

Uning aytishicha, bunday qaror «dunyo amaliyotidan kelib chiqib» qabul qilindi. Marosimga Qirg‘izistondagi barcha chet el davlatlari elchilari taklif etiladi.

Sooronbay Jeenbekovning inauguratsiyasi 24 noyabrga belgilangan. U 15 oktyabrda bo‘lib o‘tgan prezidentlik saylovlarida 54 foizdan oshiq ovoz to‘plab, g‘olib chiqdi.

Amaldagi prezident Almazbek Atambayevning vakolatlari 1 dekabrda oxiriga yetadi. 15 noyabr kuni uning yakuniy matbuot anjumani berishi ko‘zda tutilgan.