Anakonda tomonidan bo‘g‘izlanayotgan it qutqarib qolindi (video)

Braziliyada anakonda tomonidan daryoga tortib ketilgan itning qutqarilishi videoga olindi, deb yozadi Kun nashri.

Videoda ikki erkak itning atrofida o‘ralib olgan anakondani dumidan ushlab, daryodan tashqariga olib chiqishayotganini ko‘rish mumkin. Erkaklar ilonni daryodan chiqarib, sudray boshlashganda ham ilon o‘z o‘ljasini qo‘yib yuborishni istamaydi.

Itni anakonda domidan chiqarib olish uchun erkaklardan biri qo‘liga tayoq olib, ilonni bir necha marta savalagan. Shundan keyingina ilon taslim bo‘lib, itni qo‘yib yuborgan. It ko‘rinishicha jiddiy jarohat olmagan, chunki oyoqqa turib, qochib keta olgan.