Meksikada eshaklar festivali bo‘lib o‘tdi (video)

Meksikaning Otumba shahrida eshaklarga bag‘ishlangan festival bo‘lib o‘tdi. Festivalni tomosha qilishga minglab turistlar tashrif buyurgan, deb xabar beradi «Daryo».

Festival doirasida eshaklarga karnaval kostyumlari kiygizilib, turli musobaqa va tanlovlar uyushtiriladi.

Meksikaliklar ko‘plab asrlardan buyon odamlarga og‘ir yumushlarni bajarishda yordamlashib kelayotgan eshaklarni o‘zgacha hurmat qiladi. Festivalni o‘tkazishdan maqsad — odamlar e’tiborini eshaklarga qaratish va ularning yo‘qolib ketishiga yo‘l qo‘ymaslik.