“Taxt oʻyinlari” filmining yakunlovchi epizodlari aprel oyidan boshlab namoyish etiladi

Amerikaning HBO telekanali “Taxt oʻyinlari” soʻnggi mavsumining ekranga chiqish vaqtini eʼlon qildi, deb yozadi RIA Novosti.
Sakkizinchi mavsumda oltita qism boʻladi. Yakunlovchi mavsumning ilk seriyasining premyerasi 14 aprel kuni boʻlib oʻtadi.

Bosh rolni ijro etgan Emiliya Klark yakunlovchi epizodlar teletomoshabinlarni yanada hayratga solishini aytdi.
Serial Jorj Martinning “Muz va olov qoʻshigʻi” romanlari asosida suratga olingan.