Nepalda poʻrtana oqibatida 30 ga yaqin kishi halok boʻldi

^{Foto: Ukrinform.ru}
Nepal janubida sodir boʻlgan poʻrtana oqibatida 28 nafardan ortiq kishi halok boʻldi, 600 dan ortiq kishi jabrlandi deb xabar berdi “Daryo”.

Kuchli yomgʻir va shamol oqibatida Nepalning Bara va Parsa hududlarida elektr taʼminoti tizimi buzilgan, daraxtlar qulagan, uylar shikastlangan. Shamol taʼsirida mashinalar agʻdarilgan.

Qutqaruvchilar jabrlanganlarga yordam berish uchun uzoqda joylashgan aholi punktlariga borishga harakat qilmoqda.
Xabarda aytilishicha, qurbonlar soni ortishi mumkin.