Dogʻistonda tishi ogʻrigan bemor stomatologni oʻldirib qoʻydi

Dogʻistonda erkak stomatologni oʻldirib qoʻydi. Qayd etilishicha, nomaʼlum shaxs ertalab qattiq tish ogʻrigʻi bilan shifokorning eshigini taqillatgan. Undan soat 8 da shifokor xonasiga murojaat qilish soʻraldi, biroq u tishi qattiq ogʻriyotgani va ogʻriqqa chida olmasligini maʼlum qildi.

Shundan soʻng stomatologning yaqinlari shifokorni uygʻotib chiqishgan, shundan soʻng fojia yuz bergan.

“Tergov organlari mazkur jinoyatni sodir etgan shaxsni izlamoqda: 30-35 yoshlardagi erkak, oʻrtacha vaznda, boʻyi — 170-175 santimetr\", — deyiladi mamlakat IIV xabarida.

Shuningdek qayd etilishicha, hodisa joyida qilich topilgan, va tahminlarga koʻra, aynan u qotillik quroli boʻlgan.