Rim papasi ayol kishiga qo‘l ko‘tardi (video)

Rim papasi Fransisk Rimdagi avliyo Pyotr maydonida dindorlar bilan suhbat chog‘ida ayol kishining qo‘liga urdi. Hodisa videosi CBS News tvitterida e’lon qilingan.
Kadrlarda aks etishicha, ayol to‘siq ortidan Yangi yilni nishonlayotgan odamlar yonidan o‘tib borayotgan papaning qo‘lini ushlashga urinadi.

Rim papasi ayolning bu harakatlariga keskin munosabat bildirib, uning qo‘liga uradi.
Hodisa darhol papa qo‘riqchilari e’tiborini tortib, ular bu hodisaga aralashadilar.