10:00 / 15.12.2020

Yaponiya ko‘chalarida O‘zbekiston tasviri tushirilgan avtobus

^{Foto: Toshkent shahar hokimligi}
Yaponiyaning Nagoya shahrida O‘zbekistonga oid tasvirlar tushirilgan avtobus harakatlanmoqda, deya xabar qilmoqda Toshkent shahar hokimligi.

Ma’lum qilinishicha, 2020 yil 19 dekabrda Nagoyada Toshkent kunlari nishonlanadi. Shu munosabat bilan Nagoya shahar meriyasi tomonidan jamoat transporti bo‘lgan avtobus O‘zbekistoning turizm salohiyatini targ‘ib etuvchi dizaynda tayyorlandi.

«Chet elda vatanimiz tasvirlari tushgan avtobus ko‘zni quvontiradi va bizni xursand qiladi. Nagoyadagi vatandoshlarimizdan O‘zbekiston avtobusi foto va videolarini jo‘natishingizni so‘raymiz», – deyiladi hokimlik xabarida.
Yaponiya ko‘chalarida O‘zbekiston tasviri tushirilgan avtobus

^{Foto: Toshkent shahar hokimligi}
Yaponiya ko‘chalarida O‘zbekiston tasviri tushirilgan avtobus

^{Foto: Toshkent shahar hokimligi}

Avvalroq Toshkentda Yaponiya raqamli universiteti tashkil etilishi hamda Yaponiya O‘rta Osiyo mamlakatlari va Afg‘onistonga chigirtkadan himoyalanish maqsadida 7,5 million dollar ajratgani haqida xabar berilgandi.

"Zamin"ni Telegram'da o'qing!

Shuhrat Razzakov

«ZAMIN.UZ» muharriri