Yevrohududda inflyatsiya rekord ko‘rsatkichni tashkil etdi

^{Foto: Picture Alliance}
Yevrohudud mamlakatlarida inflyatsiya sur’ati tezlashib, mart oyida 7,5 foizni tashkil etdi. Xabar qilinishicha, bu Yevropa ittifoqi statistika xizmati tomonidan qayd etilgan eng yuqori ko‘rsatkich hisoblanadi.

Yanvarda YEIning umumiy valyutaga o‘tgan 19 mamlakatida inflyatsiya darajasi 5,1 foizni tashkil etgandi. Fevralda ushbu ko‘rsatkich 0,8 foizga, martda esa yana 1,6 foizga ko‘tarildi.

Mart oyida Yevrohududda iste’mol narxlari sezilarli darajada o‘sdi. Bunga energiya resurslari narxlari 44,7 foizga oshgani sabab bo‘ldi.