BAA O‘zbekiston qishloq xo‘jaligi sohasida yirik sarmoyaviy loyihalarni amalga oshirmoqchi

Investitsiyalar va tashqi savdo vazirligining BAAdagi vakolatxonasi tomonidan O‘zbekistonda istiqbolli loyihalarni amalga oshirishga salohiyatli investorlarni jalb qilish bo‘yicha tizimli asosdagi ishlar olib borilmoqda.

Shu yo‘nalishda Al Dahra (BAA) kompaniyasi bilan o‘tkazilgan muzokaralar chog‘ida O‘zbekiston qishloq xo‘jaligi sohasida yirik sarmoyaviy loyihalarni amalga oshirish imkoniyatlari atroflicha muhokama qilindi.

Respublika qishloq xo‘jaligi sohasidagi salohiyati bilan atroflicha tanishish va istiqbolli investitsiya loyihalari portfelini kelishish maqsadida joriy oyda BAA kompaniyasi delegatsiyasi O‘zbekistonga amaliy safarini tashkil etish bo‘yicha kelishuvga erishildi.