Kripto fondlardan 1,47 milliard dollar mablagʻ olib chiqildi
CoinShares hisobotiga koʻra, oʻtgan hafta davomida kripto investitsiya mahsulotlaridan 1,47 milliard dollar miqdorida mablagʻ olib chiqib ketildi. Bu ketma-ket ikkinchi hafta kuzatilayotgan pasayish boʻlib, asosiy yoʻqotishlar Bitcoin fondlari hissasiga toʻgʻri kelmoqda. Avvalgi haftada ham kripto birja mahsulotlaridan (ETP) 1,07 milliard dollar mablagʻ chiqarilgan edi. Bu haqda Cointelegraph.com xabar beradi.
Bitcoin mahsulotlari taxminan 1,3 milliard dollarlik chiqib ketish bilan yetakchilik qildi, bu 2026-yilning eng yirik haftalik pasayishi sifatida qayd etildi. Shu bilan birga, Ether fondlari 223 million dollar yoʻqotdi. Hozirda kripto ETP boshqaruvidagi jami aktivlar 148,7 milliard dollarni tashkil etmoqda, shundan 80 foizi yoki 120,2 milliard dollari Bitcoin fondlariga tegishli.
CoinShares tadqiqot boʻlimi rahbari James Butterfillning taʼkidlashicha, bunday sotuvlar CLARITY Act boʻyicha siljishlarga qaramay, Eron bilan bogʻliq geosiyosiy xavf-xatarlar kuchayishi fonida investorlarning ehtiyotkorlik choralarini koʻrayotgani bilan bogʻliq. Shunga qaramay, ayrim altkoinlar ijobiy dinamika koʻrsatishda davom etmoqda.
Altkoinlar orasida XRP 31,8 million dollar investitsiya jalb qilib, yetakchiga aylandi. Solana (SOL) 7,7 million dollar, Hyperliquid (HYPE) esa 72,3 million dollarlik oqimni qabul qildi. Shuningdek, Sui (SUI) va Chainlink (LINK) kabi loyihalarga ham kichik hajmdagi sarmoyalar kiritildi. Short Bitcoin mahsulotlariga esa 10,2 million dollar qoʻshildi, bu bozordagi umumiy pasayish kayfiyatini tasdiqlaydi.
