Alibaba Gazprombank bilan hamkorlik memorandumini imzoladi

Xitoyning Alibaba internet-xoldingi va Gazprombank (Rossiya) hamkorlik to‘g‘risidagi memorandumni imzoladi. Bu haqda «TASS»ga asoslanib «Daryo» xabar bermoqda.

Hamkorlik Gazprombank elektron savdo maydoniga kelib tushayotgan ulgurji xaridlarga talabnomani Alibaba.com orqali minglab xitoylik etkazib beruvchilarga jo‘natish imkonini beradi. «Bizning xarid tizimimiz Alibaba.com bilan uzviy bog‘lanishi natijasida mijozlar oldi-sotdi to‘lovlarini ham rubl, ham yuanda amalga oshirishlari mumkin», — deya ma’lum qildi Gazprombank elektron savdo maydoni bosh direktori o‘rinbosari I. Paskachev.