O‘zbekistondan Ukrainaga tovarlar eksporti butunlay to‘xtadi

^{Foto: Bloomberg}
Mart oyida O‘zbekiston va Ukraina o‘rtasidagi savdo aylanmasi hajmi 26 million dollarni tashkil qildi. Bu Davlat statistika qo‘mitasi ma’lumotlarida qayd etildi.

Mazkur miqdor butunlay importga to‘g‘ri keldi — mart oyida O‘zbekiston Ukrainaga hech narsa eksport qilmagan.

Import hali ham bor bo‘lsa-da, uning hajmi deyarli ikki baravarga kamaydi. Bularning barchasini Rossiyaning Ukrainaga fevral oyining oxiridan beri davom etayotgan hujumi bilan izohlasa bo‘ladi.

Urush boshlangunga qadar Ukraina O‘zbekistondan, asosan, meva-sabzavot va to‘qimachilik mahsulotlari, azotli va kaliyli o‘g‘itlar, etilen polimerlari, rux xom ashyosi va avtomobil xarid qilgan edi.