Namangan viloyati delegatsiyasi Avstriyada tadbirkorlar bilan uchrashdi (foto)

O‘zbekistonning Avstriyadagi elchixonasida Namangan viloyati delegatsiyasi nomidan qabul uyushtirildi. Bu haqda «Daryo» xabar bermoqda.

Qabul davomida Namangan viloyati hokimi Shavkat Abdurazzaqov boshchiligidagi delegatsiya Avstriya tadbirkorlari bilan uchrashdi. O‘zbekistonning Avstriyadagi favqulodda va muxtor elchisi Abat Fayzullayev ham tadbirda ishtirok etdi va so‘zga chiqdi.

^{Foto: Namangan viloyati hokimligi axborot xizmati}
Uchrashuvda Namangan viloyatining savdo-iqtisodiy, ijtimoiy-gumanitar, turizm va sport salohiyati taqdimoti bo‘lib o‘tdi. Shuningdek, viloyatda joriy yil 22 maydan 5 iyunga qadar bo‘lib o‘tadigan 61-xalqaro gullar festivali to‘g‘risidagi videolavha namoyish etildi.

^{Foto: Namangan viloyati hokimligi axborot xizmati}
Qabul davomida Namanganda ishlab chiqarilgan mahsulotlar ko‘rgazmasi bo‘lib o‘tdi. Mehmonlarga namangancha tayyorlangan palov tortildi.

<sup>Foto: Namangan viloyati hokimligi axborot xizmati

Foto: Namangan viloyati hokimligi axborot xizmati</sup>
Shavkat Abdurazzaqov Siemens kompaniyasining Avstriyadagi shtab-kvartirasida ham bo‘ldi.

^{Foto: Namangan viloyati hokimligi axborot xizmati}
Bu yerda kompaniya rahbariyati bilan muzokaralar o‘tkazilib, o‘zaro hamkorlikni yanada rivojlantirish masalalari muhokama qilindi.

^{Foto: Namangan viloyati hokimligi axborot xizmati}
Namangan delegatsiyasining Avstriyaga safari davom etmoqda.