Andijondagi Jahon savdo kompleksida yong‘in sodir bo‘ldi

Andijon shahar “Jahon savdo kompleksi”da tongda yong‘in sodir bo‘ldi. Holat yuzasidan FVV viloyat boshqarmasi axborot xizmati ma’lumot berdi.

^{Foto: FVV viloyat boshqarmasi axborot xizmati}
Qayd etilishicha, 2022 yil 19 oktabr kuni soat 03:46da Andijon shahar, “Yorboshi” MFY, Nayman ko‘chasida joylashgan “Jahon savdo kompleksi” AJga qarashli do‘konlarda yong‘in bo‘layotgani to‘g‘risida viloyat favqulodda vaziyatlar boshqarmasiga xabar kelib tushgan.

^{Foto: FVV viloyat boshqarmasi axborot xizmati}
Voqea joyiga 10 ta yong‘in-qutqaruv ekipaji soat 03:56da yetib borib, yong‘in soat 04:00da to‘liq qurshab olingan, soat 04:16da yong‘in batamom o‘chirilgan.

^{Foto: FVV viloyat boshqarmasi axborot xizmati}
Yong‘in oqibatida fuqarolarning tan jarohati olish va halok bo‘lish holatlari qayd etilmadi.