Abduqodir Toshqulov prezident maslahatchisi o‘rinbosari lavozimiga tayinlandi

Oliy va o‘rta maxsus ta’lim vazirligiga rahbarlik qilib kelgan Abduqodir Toshqulov yangi lavozimga tayinlandi.

Davlat rahbari matbuot kotibining xabar qilishicha, u prezidentning yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimiga tayinlandi.

Shu munosabat bilan u egallab turgan lavozimidan ozod etildi.

Abduqodir Toshqulov 2021 yil 14 yanvardan oliy va o‘rta maxsus ta’lim vaziri sifatida ishlab kelayotgandi.