AQShda mushuk va soqolli kaltakesak do‘stlashdi

AQShda mushuk Beybi va soqolli kaltakesak Charlz do‘stlashishdi, deb xabar bermoqda \"Kun\" nashri. Jonivorlarning egasi, Pensilvaniya shtatida yashovchi ayol Shayenn Marchning aytishicha, ularning do‘stligi butun internet tarmog‘ini lol qoldirgan.

Beybi va Charlz to‘qqiz oy muqaddam do‘stlashishgan edi. Mushuk va kaltakesak ajralmas do‘stlar bo‘lishgan: ular ko‘chada birga sayr etishadi, derazadan sakrashadi, tez-tez quchoqlashib turishadi.

«Ularning shunchalik do‘stlashib ketishi, sirasini aytganda syurpriz», – dedi jonivorlarning xo‘jayini.