Gaz ta’minotidan 861 mln so‘m qarzdor bo‘lgan issiqhona xatlandi

Bog‘ot tumanlararo iqtisodiy sudining 09.08.2022 yildagi ijro hujjatiga asosan qarzdor “R.A.H” MCHJdan undiruvchi “Hududgazta’minot” AJ foydasiga jami 861,2 mln. so‘m undirish to‘g‘risidagi ijro hujjati Byuroning Bog‘ot tumani bo‘limi ish yurituviga kelib tushgan va ijro harakatlariga kirishilgan.

Ijro hujjati yuzasidan garovga qo‘yilgan qarzdorga tegishli “Zamonaviy tipdagi issiqxona” bino inshootlari va uskunalari xatlandi. Hozirda, Byuroning Bog‘ot tumani bo‘limi tomonidan ijro ishi yuzasidan qarzdorlikni bartaraf qilish bo‘yicha tegishli choralar ko‘rilmoqda.