O‘zbekistonlik Sabina Musaeva Qozonda o‘tkazilgan go‘zallik tanlovida g‘olib bo‘ldi

Qozon federal universitetining o‘zbekistonlik talabasi Sabina Musaeva “Dunyo durdonasi - 2016” tanlovida qatnashib, g‘olib bo‘ldi. Bu haqda “Darakchi” nashri xabar bermoqda.

Sabina Musaeva mazkur go‘zallik va iqtidor tanlovining g‘oliblik tojidan tashqari, “Ilhom go‘zali” nomiga ham sazovor bo‘ldi.

Tanlovning final bosqichi Qozon shahrida o‘tkazildi va unda dunyoning 30 mamlakatidan vakilalar ishtirok etdi.

Ikkinchi o‘rin Qozon texnika universiteti talabasi Angelina Gubanova (Rossiya)ga, uchinchi o‘rin Qozon federal universiteti talabasi Do Nyung (Vetnam)ga nasib etdi.