Buxoroda harakatlanib ketayotgan ekskavator yonib ketdi

^{Foto: Buxoro viloyat FVB axborot xizmati}

Buxoro viloyatida harakatlanib ketayotgan “Volvo” rusumli mini ekskavator yonib ketdi. Bu haqda viloyat FVB axborot xizmati xabar berdi.

Unga ko‘ra, holat 13 iyul kuni soat 19:49 da Buxoro shahar, Zulfiya ko‘chasida sodir bo‘lgan. 2 ta yong‘in qutqaruv avtoekipajlari jalb etildi. Voqea joyiga ekipaj soat 19:51da etib borib, yong‘in soat 19:58 da batamom o‘chirilgan. Yong‘in oqibatida mini ekskavatorning dvigateli va salon qismi yongan.

Yong‘inning taxminiy sababi: elektr simlarining qisqa tutashuvi. Yong‘in oqibatida fuqarolarning kuyish va halok bo‘lish holatlari qayd etilmadi.