Hafta oxirida hududlarda yomg‘ir va qor yog‘adi
Bugun va ertaga O‘zbekiston hududi bo‘yicha quruq va iliq ob-havo saqlanib turadi.
“O‘zgidromet” xabariga ko‘ra, havo harorati bugun kunduzi +8...+13 darajani tashkil etadi, ertaga +12...+15 darajagacha biroz ko‘tariladi, kechalari termometr ustuni 0 daraja atrofida bo‘ladi.
Ertaga kechasi va ertalab respublika bo‘yicha ba’zi joylarga tuman tushadi, kunduzi va kechqurun ayrim joylarda shamol tezligi 15-20 m/s gacha kuchayishi mumkin.
5 yanvar, juma kuni O‘zbekistonning markaziy va janubiy hududlarida kechasi va ertalab yomg‘ir yog‘ishi, tog‘li hududlarda qor yog‘ishi ehtimoli bor. Harorat kechasi +0...+5 daraja, kunduzi +10...+15 daraja atrofida bo‘ladi.
Poytaxtda yog‘ingarchilik kutilmaydi, faqat 5 yanvarda kechasi va ertalab yomg‘ir yog‘ishi mumkin.
Harorat bugun kunduzi +10...+12 daraja, 4 yanvarda kechasi +0...+2 daraja bo‘ladi, kunduzi havo +13...+15 darajagacha ko‘tariladi, 5 yanvarda kechasi +2...+4 daraja bo‘ladi, kunduzi +11...+13 darajagacha biroz pasayadi.
Mavzuga oid yangiliklar
Maʼlumot Mehmon guruhidagi foydalanuvchilar ushbu maqolaga izoh qoldira olmaydi.
