Shavkat Mirziyoyev Islom Karimov haykali poyiga gulchambar qo‘ydi (foto)

^{Foto: Prezident matbuot xizmati}
Shavkat Mirziyoyev 30 yanvar kuni Toshkent shahrida Islom Karimov haykali poyiga gulchambar qo‘ydi, deb xabar bermoqda Prezident matbuot xizmati.

Davlat rahbari Shavkat Mirziyoyev e’tibori bilan O‘zbekiston birinchi prezidentining xotirasi abadiylashtirildi, maqbarasi barpo etildi. Islom Karimov tavallud topgan 30 yanvar kunini nishonlash an’anaga aylandi.

<sup>Foto: Prezident matbuot xizmati

Foto: Prezident matbuot xizmati</sup>
“Fidoyilarini e’zozlagan xalq hamisha hurmatga sazovor. Xotira tadbiri buning yana bir ifodasi bo‘ldi. Qur’on oyatlari o‘qilib, duo qilindi. Birinchi Prezidentimizning O‘zbekiston manfaati yo‘lida qilgan ishlari, insoniy fazilatlari yodga olindi”, — deyiladi xabarda.

<sup>Foto: Prezident matbuot xizmati

Foto: Prezident matbuot xizmati</sup>
Qayd etilishicha, Islom Karimov nomidagi ilmiy-ma’rifiy yodgorlik majmuasida o‘tgan marosimda Oliy Majlis palatalari, Prezident Administratsiyasi va hukumat vakillari, ilm-fan va madaniyat namoyandalari, shahar jamoatchiligi ishtirok etdi.

<sup>Foto: Prezident matbuot xizmati

Foto: Prezident matbuot xizmati</sup>
Birinchi Prezidentning Samarqand va Qarshi shaharlaridagi haykallari poyiga ham gullar qo‘yildi.