Farg‘onada omborxonasida 7,1 kg nasha saqlab kelgan shaxs aniqlandi

^{Foto: Farg‘ona viloyati IIB axborot xizmati}
Farg‘ona viloyati Yozyovon tumanida nasha giyohvandlik moddasini saqlab kelayotgan shaxs aniqlandi, deb xabar beradi viloyati IIB axborot xizmati.

Ma’lum qilinishicha, 9 fevral kuni tuman IIB hamda DXX xodimlari tomonidan tezkor tadbir o‘tkazilgan. Tadbir davomida “Beruniy” MFYda yashovchi, 46 yoshli A.X. yashash xonadonining omborxonasida jami 7 kilogramm 170 gramm miqdorida nasha giyohvandlik moddasini saqlab kelayotgani aniqlanib, tegishli tartibda hujjatlar rasmiylashtirildi.

Mazkur holat yuzasidan tergovga qadar tekshiruv harakatlari olib borilmoqda.