Toshkentda sodir bo‘lgan YTH oqibatida Nexia-3 yonib ketdi

^{Foto: Toshkent shahar IIBB YHXB axborot xizmati}
Toshkent shahri, Yunusobod tumani, Amir Temur ko‘chasida 25 sentyabr kuni soat 14:30 larda YTH sodir bo‘ldi. Bu haqda Toshkent shahar IIBB Yo‘l harakati xavfsizligi boshqarmasi axborot xizmati xabar berdi.

Ma’lum qilinishicha, Matiz avtomashinasi va Nexia-3 avtomashinalari to‘qnashishi oqibatida yo‘l transport hodisasi sodir bo‘lgan. To‘qnashuvdan so‘ng Nexia-3 avtomashinasida yong‘in yuzaga kelgan.

YTH natijasida Matiz haydovchisiga birinchi yordam ko‘rsatish maqsadida shifoxonaga olib ketilgan.

^{Foto: Toshkent shahar IIBB YHXB axborot xizmati}
Mazkur holat yuzasidan Toshkent shahar IIBB YHXB ma’sul xodimlari tomonidan surishtiruv ishlari olib borilmoqda.