Toshkentda 5 ta mashina ishtirokida YTH sodir bo‘ldi

^{Foto: Toshkent shahar IIBB YHXB axborot xizmati}
Toshkent shahrining Mirzo Ulug‘bek tumanida 28 noyabr kuni soat 16:10 larda 5 ta avtomashina ishtirokida YTH sodir bo‘ldi. Bu haqda poytaxt IIBB YHXB axborot xizmati xabar berdi.

Mustaqillik—Movarounnahr ko‘chalari kesishmasida bir yo‘nalishda harakatlanib kelgan haydovchilar:
- 1958 yilda tug‘ilgan T.R. boshqaruvidagi Hongqi EQM 5;
- 1994 yilda tug‘ilgan S.A. boshqaruvidagi Cobalt;
- 1988 yilda tug‘ilgan X.U. boshqaruvidagi Tracker-2;
- 1998 yilda tug‘ilgan S.A. boshqaruvida bo‘lgan Nexia-3;
- 1982 yilda tug‘ilgan T.M. boshqaruvida bo‘lgan Onix transport vositalari oraliq masofaga amal qilmasdan to‘qnashgan.

^{Foto: Toshkent shahar IIBB YHXB axborot xizmati}
Hodisa oqibatida tan jarohati olganlar yo‘q. Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.