Toshkentda “Malibu-2” haydovchisiga chora koʻrildi

Poytaxt IIBB Yoʻl harakati xavfsizligi boshqarmasi matbuot xizmati xabar berishicha, ijtimoiy tarmoqlarda “Malibu-2” avtomobili haydovchisining qarshilama yoʻlakda harakat qilayotgani aks etgan video tarqaldi. Haydovchi Toshkent shahrining markaziy koʻchalaridan birida yoʻl harakati qoidalarini qoʻpol ravishda buzgan.

Mazkur holat yuzasidan ichki ishlar organlari xodimlari tekshiruv oʻtkazib, haydovchining shaxsini aniqladi. Uning harakatlari Oʻzbekiston Respublikasi Ma'muriy javobgarlik toʻgʻrisidagi kodeksining “Transport vositalari haydovchilari tomonidan toʻsiq yoki avariya holati yaratish, qarshilama yoʻnalishdagi yoʻlga chiqish” moddasi boʻyicha qayd etildi.

Haydovchiga nisbatan 10 bazaviy hisoblash miqdorida (3 750 000 soʻm) jarima belgilandi.