Samarqand viloyatida YTH oqibatida ikki kishi halok boʻldi

Samarqand viloyatining Payariq tumanida yuz bergan yoʻl-transport hodisasi oqibatida ikki kishi halok boʻldi. Bu haqda huquq-tartibot idoralari xodimlari ma'lum qildi.

Ma'lumotlarga koʻra, fojia joriy yilning 15 yanvar kuni sodir boʻlgan. VAZ-2106 avtomashinasi haydovchisi boshqaruvni yoʻqotgan va YTHga uchragan. Hodisa oqibatida haydovchi va yoʻlovchi halok boʻlgan.

Hozirda holat boʻyicha tekshiruv ishlari olib borilmoqda. Eslatib oʻtamiz, bundan avval Samarqandda maktab oʻquvchisi piyodani urib, uning oʻlimiga sabab boʻlgan edi.