Baxmalda tog‘ yo‘li bo‘yidagi noqonuniy qurilmalar bartaraf etildi

Majburiy ijro byurosining Baxmal tumani bo‘limi ish yurituviga sudning davlat manfaatida fuqarolar tomonidan Baxmal tuman tabiat qo‘riqxonasiga olib boruvchi yo‘l atrofidagi joylashgan yer maydonlariga o‘zboshimchalik bilan qurilgan noqonuniy qurilmalarni javobgarlar hisobidan buzdirish belgilangan ijro hujjatlari kelib tushgan.

Ijro harakatlari davomida qarzdorlarga mazkur noqonuniy qurilmalarni javobgar hisobidan buzdirish yuzasidan ogohlantirish berilgan.

Majburiy ijro harakatlari davomida 7 ta noqonuniy qurilmalar xolislar va mutassadi tashkilotlar ishtirokida buzilishi ta’minlandi.