Samarqandlik qidiruvdagi qarzdor Farg‘onadan topildi

Majburiy ijro byurosi Urgut tumani bo‘limi tomonidan qarzdor M.Sh. farzandining ta’minoti uchun alimentdan 37 million so‘m qarz bo‘lsa-da qasddan to‘lamay yurganligi sababli davlat ijrochisi tomonidan qidiruv e’lon qilingan.

Byuroning Samarqand viloyati boshqarmasi Qidiruv sho‘basi xodimlari tomonidan olib borilgan tezkor-qidiruv tadbirlari davomida olingan ma’lumotlarga asosan qarzdor M.Sh. Farg‘ona viloyatida ekanligi aniqlangan.

Qarzdor Byuroning Farg‘ona viloyat xodimlari bilan hamkorlikda ushlanib, Samarqandga keltirilgan va Jinoyat kodeksining 122-moddasi 1-qismi bilan jinoyat ishi qo‘zg‘atilgan.

Xozirda 14 million so‘m aliment pullari undiruvchiga undirib berilgan. Bu kabi hamkorlikdagi tadbirlar davom etmoqda.