Xorazmda somon yoqqan fuqarolar jazoga tortildi

Xorazmda ayrim fuqarolar somon va o‘simlik qoldiqlarini yoqib, havoni ifloslantirgan, deb nova24.uz xabar berdi. 17 iyun kuni ijtimoiy tarmoqlarda bu holat haqida xabarlar tarqaldi.

Shundan so‘ng Xorazm viloyat prokuraturasi va Ekologiya, atrof-muhitni muhofaza qilish hamda iqlim o‘zgarishi boshqarmasi tomonidan tezkor reydlar o‘tkazildi. Urganch va Xonqa tumanlarida o‘simlik qoldiqlari ochiq alangada yoqilayotgan holatlar aniqlandi.

Tekshiruvlar natijasida Urganch tumanidan 3 nafar va Xonqa tumanidan yana 3 nafar fuqaroga nisbatan MJtKning 88-moddasi 3-qismi asosida ma’muriy bayonnoma tuzildi. Har biriga 1 125 000 so‘m miqdorida jarima belgilandi.