Toshkentlik erkak avtomashina firibgarining qurboni bo‘ldi

Toshkentda bir erkak avtomobil xaridi vaqtida firibgarning qurboniga aylandi, deb upl.uz xabar berdi. Shayxontohur tumanida yashovchi fuqaro huquqni muhofaza qilish organlariga murojaat qilib, 13 370 AQSh dollarini aldov yo‘li bilan yo‘qotganini aytgan.

Ma’lum bo‘lishicha, gumonlanuvchi o‘zini mashina savdosi bilan shug‘ullanuvchi kompaniya rahbari sifatida tanishtirgan va Tracker-2 rusumli avtomobilni muddatli to‘lov asosida yetkazib berishni va’da qilgan. Jabrlanuvchi oldindan pul to‘lagan, biroq mashina olinmagan, va pul o‘zlashtirilgan.

Mazkur holat yuzasidan Jinoyat kodeksining \"Firibgarlik\" moddasiga asosan jinoyat ishi qo‘zg‘atilgan. Hozirda tergov ishlari olib borilmoqda.