Maryam Tillayevaning turmush o‘rtog‘i Arno Kosyan haqida nimalar bilasiz?

161.ru nashri xabariga ko‘ra, Maryam Tillayevaning turmush o‘rtog‘i Arno Kosyan bo‘lib, u Arnold Kazaryan emas, deb Kursiv Media xabar berdi. Shuningdek, u Moskvada tug‘ilgan va Rostov viloyatidan emasligi qayd etilgan. Manbaga ko‘ra, 2024 yil iyul oyida Arno Kosyan Rossiya poytaxtida yashab, kiyim dizayni bilan shug‘ullanadi.

Bir intervyusida u biznesini ota-onasining yordamisiz boshqarayotganini va boshqa manbadan ham daromadi borligini aytgan. Arno Kosyan ijtimoiy tarmoqlarda faol bo‘lib, Monako, Kurshavel, San-Trope va boshqa mamlakatlardan postlar joylashtiradi. Joriy yilda u 22 yoshga to‘ladi. Instagram’dagi storiesda Arno Kosyan Voice Mag nashriga bergan intervyusiga havola joylashtirib, o‘zini rostovlik deb aytadi.

Intervyusida u tanlagan yorini Kurshavelda uchratganini, Maryamni mehribon, iliq va chiroyli ayol sifatida tasvirlaganini bildirgan. Shuningdek, u: “U chang‘ida yaxshi uchadi va menga qo‘rquvimni yengishda yordam berdi. Qiyin paytlarda inson sifatida yordam ko‘rsatdi”, — deya ta’kidlagan. Arno Kosyan so‘zlariga ko‘ra, taklifdan oldin juftlik yarim yil uchrashgan va kelajakda tanlagan yoridan farzandli bo‘lish istagini bildirgan.