Chet tilidan sertifikat imtihonlari avgust oyida ham o‘tkaziladi

Chet tili imtihonlari avgust oyida ham o‘tkazilishi belgilandi. Bu haqda Maktabgacha va maktab ta’limi vazirligi xabar berdi.

Bilimni baholash agentligi tomonidan joriy yil sentyabr, oktyabr, noyabr va dekabr oylarida o‘tkazilishi rejalashtirilgan chet tili bo‘yicha milliy sertifikat imtihonlari avgust oyida ham o‘tkaziladi.

Avgust oyidagi imtihonda:

Tillar: ingliz, nemis, fransuz tillari

Ro‘yxatdan o‘tish: 15–18 avgust kunlari

To‘lov muddati: 19 avgust

Imtihon sanasi: 28 avgust.

Ro‘yxatdan o‘tish my.gov.uz portali orqali onlayn amalga oshiriladi.

Talabgorlar ro‘yxatdan o‘tishda o‘zlariga qulay hududni tanlab, imtihonda aynan shu hududda ishtirok etishlari mumkin.