Farg‘onada qutqaruvchilar chuqurga tushgan sigirni olib chiqdi

Farg‘ona viloyati So‘x tumani «Demursat» mahallasida favqulodda vaziyatlar xizmatchilari kutilmagan holatga duch kelishdi. Ma’lumotlarga ko‘ra, sigir tasodifan chuqurga tushib ketgan va mustaqil ravishda chiqib keta olmagan.

Hodisa joyiga yetib kelgan FVB xodimlari maxsus uskunalar yordamida hayvonni ehtiyotkorlik bilan tortib chiqarishgan.

Qutqaruv jarayoni muvaffaqiyatli yakunlandi va sigir sog‘-salomat egasiga topshirildi.