Bunyodkor ko‘chasida avtomobil yonib ketdi

2025-yil 21-oktyabr kuni tungi soat 00:15 da Toshkent shahri Chilonzor tumani, Bunyodkor shoh ko‘chasida avtomobil yo‘l-transport hodisasi yuz berib, mashina yonib ketgani haqida shahar Favqulodda vaziyatlar boshqarmasiga xabar berilgan.

Olingan xabardan so‘ng, yong‘in-qutqaruv brigadalari zudlik bilan voqea joyiga yetib borgan. FVB axborot xizmatiga ko‘ra, yong‘in soat 00:22 da bartaraf etuvchilar tomonidan nazoratga olinib, 00:29 da to‘liq o‘chirilgan.

Hodisa oqibatida tan jarohati olganlar yo‘qligi ma’lum qilindi. Mutasaddi idoralar tomonidan hodisaning sabablari bo‘yicha surishtiruv ishlari olib borilmoqda.