Saratonga chalingan qiz labida haqiqiy san’at asarini yaratdi (Foto)

Avstraliyalik Jasmina Deniel labiga chizilgan suratlar bilan Internet foydalanuvchilari qalbini zabt etdi, deb xabar berdi Darakchi nashri.

25 yoshli Jasmina Deniel miyasida o‘simta borligi aniqlangandan keyin labiga turli suratlarni chiza boshladi. “Kasalxonada yotganimda bekorchilikdan zerikib ketib, o‘zimni ovutish maqsadida surat chizishda qog‘ozdan emas, yuzimdan foydalandim va labimga turli multfilm, kino qahramonlarining rasmini chizdim”, deydi Jasmina.

U labiga chizgan “san’at asarlari” aks etgan suratlarni ijtimoiy tarmoqlarga joylashtirdi va Instagram, Youtube kanallari foydalanuvchilarining olqishiga sazovor bo‘ldi. Quyida sizni uning ijod namunalari bilan tanishtiramiz.