Sankt-Peterburgda nikoh to‘yi nishonlanayotgan teploxod ko‘prikka urildi

Sankt-Peterburgda Fontanka daryosida sayr qilish uchun mo‘ljallangan kema Lomonosov ko‘prigiga kelib urildi, deb xabar berdi Darakchi.uz nashri.

Mazkur hodisa haqidagi xabar ichki ishlar bo‘limiga 4 iyul kuni kechqurun kelib tushdi. Teploxod bortida 40 kishi bo‘lgan, ular nikoh to‘yini nishonlashgan. Kelin va mehmonlar kasalxonaga yotqizildi.

Falokat yuzasidan tergov ishlari boshlandi. To‘qnashuvga rul boshqaruvining yo‘qotilishi sabab bo‘lganligi taxmin qilinmoqda.